SERENGETI BOYS YAAMBULIA SARE DHIDI YA AFRIKA KUSINI

Vijana hawa wa timu ya taifa kwa wachezaji wenye umri wa miaka chini ya 17 maarufu kama "Serengeti Boys" wamepata sare ya goli 1-1 dhidi ya timu ya taifa ya Afrika Kusini kwa wachezaji wa umri chini ya miaka 17 katika mechi ya jana ya kuwania kufuzu kwa michuano ya Fainali za Mataifa ya Afrika.

Kipindi cha kwanza kilimalizika bila kufungana na Afrika Kusini walikuwa wa kwanza kupata bao dakika ya 60 kwa njia ya penati lakini Ali Mtungi aliisawazishia Serengeti boys katika dakika ya 75 na kuiwezesha timu yake kupata sare.
Mchezo wa marudiano utafanyika Agosti 19 jijini Dar es Salaam.